o culto oculto en papel
Sacamos en A Gracia-Veniais Edicións, a novela de O culto oculto, foi presentada na Galería Sargadelos de Monforte xunta coa súa complementaria e compañeira A Transfusión, editada en papel hai cinco anos pero aínda en stand-by, cousas da vida, se teño tempo ireina colgando pouco a pouco no blog.
O meu amigo e compañeiro Xosé M. Gayoso presentou Os fíos do tiriteiro, houbo moita xente é un pracer coñecer a e departir con parte dos teus lectores, é como se a falor do libro falenche dun cativo ou cativo que vai só xa polas rúas, parleiro e paroleiro.
A mirilla Libros, cuadros y artesanía
http://www.lavozdegalicia.es/lemos/2008/05/11/0003_6808147.htm
Luis Díaz redac.monforte@lavoz.es
11/5/2008
CONTRAPORTADA (que sae no libro) O narrador acompáñaos polas rúas santiaguesas, polas tristes e fedentas pensións, polos pisos comunais, polas asembleas histriónicas ... e debuxa os perfís das mañas que tiveron que utilizar para sobrevivir e nadar a contracorrente, para defender, alomenos, unha mirada limpa de calquera tipo de lagañas. “A dereita cre que é o poder quen concede liberdades segundo vexa madura-la poboación, a esquerda cre que as liberdades son froitos de conquistas sociais que se lle prean ás árbores do poder. A transfusión tivo dous protagonistas: o pobo español para uns, ou un personaxe, Adolfo Suárez, para outros. Estas dúas ópticas da Historia sitúan ós individuos en opcións e tendencias diverxentes”. O título do libro, A Transfusión, arrinca desta outra reflexión: “Non houbo exercicios de pedagoxía democrática, nin por parte dos que detentaban a autoridade con autoritarismo, e non a querían soltar, nin dos que esperaban a chegada da transferencia do poder, ou da transfusión do poder, segundo viñese pola economía ou polo sangue”. Ao longo da novela descríbese e descóbrese a galería de personaxes en loita por ocupar un lugar axeitado no taboleiro que entón empezaba a deseñarse, un taboleiro que aquí, neste curruncho de Iberia, segue presentando carácter anémico, pendente aínda, o pobre, dunha adecuada e completa transfusión. (Xosé M. Gayoso)
A Transfusión é unha novela sobre a chamada Transición política. Unha crónica burlesca e desmitificadora da época que vai do final do Franquismo (Franzismo, no relato) á chegada da democracia. É unha mirada sobre aqueles anos; hai outras diferentes; esta nace da esquerda apartidista. O relato, en clave irónico-retranqueira, enfíase coas peripecias de O Telo, O Seguril, O Iván ... amigos mergullados nunha anomia abaneada polos acontecementos daqueles anos.
fiuncho ou fiollo
umbella do foeniculum vulgaris
